ന്യൂഡല്‍ഹി: പശ്ചിമേഷ്യയിലെ നിലവിലെ സംഘര്‍ഷാവസ്ഥയെത്തുടര്‍ന്ന് സൗദി അറേബ്യയിലേക്കുള്ള വിമാന സര്‍വീസുകള്‍ റദ്ദാക്കിയത് ഒക്ടോബര്‍ 20 വരെ നീട്ടിയതായി എയര്‍ ഇന്ത്യ അറിയിച്ചു. റിയാദ്, ദമാം, ജിദ്ദ എന്നിവിടങ്ങളിലേക്കും തിരിച്ചുമുള്ള എയര്‍ ഇന്ത്യ സര്‍വീസുകള്‍ക്കാണ് ഈ നിയന്ത്രണം ബാധകം. മുന്‍പ് ഒക്ടോബര്‍ 17 വരെ സര്‍വീസുകള്‍ നിര്‍ത്തിവെക്കുമെന്നാണ് എയര്‍ ഇന്ത്യയും എയര്‍ ഇന്ത്യ എക്‌സ്പ്രസും അറിയിച്ചിരുന്നത്. സര്‍വീസ് റദ്ദാക്കിയതുമൂലം യാത്ര തടസ്സപ്പെട്ടവര്‍ക്ക് ടിക്കറ്റ് തുക പൂര്‍ണമായും തിരികെ നല്‍കുമെന്ന് കമ്പനി വ്യക്തമാക്കി.
നേരിട്ടുള്ള സര്‍വീസുകള്‍ നിലച്ചതോടെ സൗദിയിലേക്കുള്ള വിമാന ടിക്കറ്റ് നിരക്കുകള്‍ ചരിത്രത്തിലെ ഏറ്റവും ഉയര്‍ന്ന നിരക്കിലെത്തി. മുന്‍പ് 20,000 രൂപയില്‍ താഴെയുണ്ടായിരുന്ന കോഴിക്കോട്-ജിദ്ദ ഒറ്റത്തവണ യാത്രയ്ക്ക് നിരക്ക് 3,19,884 രൂപ വരെയായി ഉയര്‍ന്നു. എമിറേറ്റ്‌സും ഖത്തര്‍ എയര്‍വേയ്സുമാണ് ഏറ്റവും ഉയര്‍ന്ന നിരക്ക് ഈടാക്കുന്നത്. ജിദ്ദയിലേക്ക് എമിറേറ്റ്‌സ് 2.82 ലക്ഷം മുതല്‍ 3.19 ലക്ഷം രൂപ വരെയും ഖത്തര്‍ എയര്‍വേയ്സ് 1.42 ലക്ഷം രൂപ വരെയുമാണ് ഈടാക്കിയത്. ഒമാന്‍ എയര്‍ 37,723 രൂപ മുതലുള്ള നിരക്കുകള്‍ ഈടാക്കി.
മുന്‍പ് 4 മണിക്കൂറില്‍ താഴെയായിരുന്ന യാത്രാസമയം, കണക്ഷന്‍ വിമാനങ്ങള്‍ വഴിയായതോടെ 15 മുതല്‍ 25 മണിക്കൂര്‍ വരെയായി നീണ്ടു. എയര്‍ ഇന്ത്യ എക്‌സ്പ്രസ്, ഇന്‍ഡിഗോ എന്നിവയില്‍ യാത്ര പൂര്‍ത്തിയാക്കാന്‍ നിലവില്‍ 20 മണിക്കൂറോളം സമയമെടുക്കുന്നുണ്ട്.
കൂടുതൽ വാർത്തകൾക്കായി ജോയിൻ ചെയ്യുക എസ് ന്യൂസ്
വാട്ട്സ്ആപ്പ് ചാനലിൽ അംഗമാകാൻ ലിങ്കിൽ ക്ലിക്ക് ചെയ്യുക
ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://www.facebook.com/snewsmedia
ഇൻസ്റ്റാഗ്രം പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://www.instagram.com/snewspala/
യൂടുബ് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://www.youtube.com/@snewspala
വെബ്സൈറ്റ് ലിങ്കിൽ ക്ലിക്ക് ചെയ്യുക
വാർത്തകളും പരസ്യങ്ങളും നല്കുന്നതിന് 9496592908
