കൊച്ചി: അങ്കമാലി – അരൂര് കൊച്ചി ദേശീയപാത 544 ബൈപ്പാസ് പദ്ധതിക്ക് കേന്ദ്രാനുമതി ലഭിച്ചു. ബെന്നി ബെഹനാന് എംപിയാണ് ഇക്കാര്യം അറിയിച്ചത്. പുതിയ ദേശീയപാത നിര്മ്മാണത്തിനായി 3A നോട്ടിഫിക്കേഷന് ഉടന് കേന്ദ്രസര്ക്കാര് പുറപ്പെടുവിക്കും. പുനര്വിജ്ഞാപനം ഉടന് ഉണ്ടാകുമെന്നും ബെന്നി ബെഹനാന് ഫെയ്സ് ബുക്ക് പേജിലൂടെ അറിയിച്ചു.
അങ്കമാലി മുതല് കുണ്ടന്നൂര് വരെ പുതുതായി നിര്മിക്കാന് ഉദ്ദേശിച്ചിരുന്ന കൊച്ചി ബൈപ്പാസ് പദ്ധതി അങ്കമാലിയില് നിന്ന് ആരംഭിച്ച് അരൂരില് എത്തിച്ചേരുന്ന രീതിയില് 50 കിലോമീറ്റര് ദൂരത്തില് 70 മീറ്റര് വീതിയില് എട്ടുവരിയായി ആദ്യഘട്ടത്തിലും പിന്നീട് പത്തുവരിയായും വികസിപ്പിക്കുന്ന രീതിയില് നിര്മ്മിക്കുന്നതിന് കേന്ദ്രാനുമതിയാണ് ലഭിച്ചിരിക്കുന്നത്.
അങ്കമാലി-കുണ്ടന്നൂര് ബൈപ്പാസ് പദ്ധതി സ്ഥലം ഏറ്റെടുക്കല് നടപടിക്രമങ്ങള് മുന് എല്ഡിഎഫ്. സര്ക്കാര് വൈകിപ്പിച്ചതിനെ തുടര്ന്നാണ് പദ്ധതി പ്രവര്ത്തനങ്ങള് സ്തംഭിച്ചത്. ഇതിനിടയില് ട്രാഫിക് സര്വേ റിപ്പോര്ട്ട് കാലഹരണപ്പെട്ടു. ഇതിന്റെ അടിസ്ഥാനത്തില് പുനര്വിജ്ഞാപനത്തിന് മുന്നോടിയായി പുതിയ ട്രാഫിക് സര്വേ പൂര്ത്തീകരിച്ചിരുന്നു.
അഞ്ച് വര്ഷങ്ങള്ക്കു മുന്പ് നടത്തിയ ട്രാഫിക് സര്വേയുടെ അടിസ്ഥാനത്തിലാണ് ആറുവരി പാത നിര്മ്മാണത്തിന് പ്രാഥമിക നടപടികള് ആരംഭിച്ചത്. പുതിയ ട്രാഫിക് സര്വേ റിപ്പോര്ട്ടിന്റെ അടിസ്ഥാനത്തിലാണ് 70 മീറ്റര് വീതിയില് ആദ്യഘട്ടത്തില് എട്ടുവരിയായും പിന്നീട് പത്തുവരിയായി വികസിപ്പിക്കാവുന്ന രീതിയില് 50 കിലോമീറ്റര് ദൂരത്തില് അങ്കമാലി-അരൂര്- കൊച്ചി ബൈപ്പാസ് റോഡ് യാഥാര്ഥ്യമാവുക.
അങ്കമാലിയില് നിന്ന് ആരംഭിക്കുന്ന പുതിയ ബൈപ്പാസ് സംസ്ഥാനത്തെ രൂക്ഷമായ ഗതാഗത പ്രശ്നത്തിന് പരിഹാരം ഉണ്ടാക്കുന്നതിന് അനിവാര്യമാണെന്ന് അതിന്റെ അടിസ്ഥാനത്തില് ഈ പദ്ധതിക്ക് പുനര്അനുമതി നല്കണമെന്ന് നിരന്തരം കേന്ദ്ര ഗതാഗത മന്ത്രിയോടും ഗതാഗത സെക്രട്ടറിയോടും ആവശ്യപ്പെട്ടിരുന്നു. പാര്ലമെന്റിലും ഈ വിഷയം പലതവണ ഉന്നയിച്ചിരുന്നു. ഇതിന്റെ എല്ലാ അടിസ്ഥാനത്തിലാണ് ഇപ്പോള് കേന്ദ്രാനുമതി യാഥാര്ഥ്യമായത്. ബെന്നി ബെഹനാന് എംപി ഫെയ്സ്ബുക്ക് കുറിപ്പില് വ്യക്തമാക്കി.
കൂടുതൽ വാർത്തകൾക്കായി ജോയിൻ ചെയ്യുക എസ് ന്യൂസ്
വാട്ട്സ്ആപ്പ് ചാനലിൽ അംഗമാകാൻ ലിങ്കിൽ ക്ലിക്ക് ചെയ്യുക
https://whatsapp.com/channel/0029Vb8JFzQGE56dRXe8ol0e
ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://www.facebook.com/snewsmedia
ഇൻസ്റ്റാഗ്രം പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://www.instagram.com/snewspala/
യൂടുബ് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://www.youtube.com/@snewspala
വെബ്സൈറ്റ് ലിങ്കിൽ ക്ലിക്ക് ചെയ്യുക
വാർത്തകളും പരസ്യങ്ങളും നല്കുന്നതിന് 9496592908
S NEWS 