വി. യൂദാശ്ലീഹായുടെ നൊവേന തിരുനാൾ ഒക്ടോബർ 19 മുതൽ 28 വരെ പാലാ കിഴതടിയൂർ പള്ളിയിൽ

പാലാ: ക്രിസ്‌തുശിഷ്യനും അത്ഭുതപ്രവർത്തകനും അസാധ്യകാര്യങ്ങളുടെ മധ്യസ്ഥനുമായ വിശുദ്ധ യൂദാശ്ലീഹായുടെ നൊവേന തിരുനാൾ പാലാ കിഴതടിയൂർ പള്ളിയിൽ ഒക്ടോബർ 19 തിങ്കൾ മുതൽ 28 ബുധൻ വരെ ഭക്തിപൂർവ്വം ആഘോഷിക്കും. തിരുനാളിനോടനുബന്ധിച്ച് വിവിധ ദിവ്യബലികളും ഭക്തിനിർഭരമായ തിരുക്കർമ്മങ്ങളും നടക്കും.

പ്രധാന വിവരങ്ങൾ ചുരുക്കത്തിൽ:

കൊടിയേറ്റ്: ഒക്ടോബർ 19 തിങ്കൾ രാവിലെ 9.45-ന് മോൺ. ജോസഫ് കണിയോടിക്കൽ നിർവ്വഹിക്കും. തുടർന്ന് 10.00-ന് ആഘോഷമായ വി. കുർബാന.
തിരുസ്വരൂപ പ്രതിഷ്ഠ: ഒക്ടോബർ 27 ചൊവ്വ രാവിലെ 5.15-ന് വിശുദ്ധന്റെ തിരുസ്വരൂപം പരസ്യവണക്കത്തിനായി പ്രതിഷ്‌ഠിക്കും.
പ്രസുദേന്തി സമർപ്പണം: ഒക്ടോബർ 27 ചൊവ്വ വൈകുന്നേരം 4.45-ന് മോൺ. ജോസഫ് തടത്തിൽ നിർവ്വഹിക്കും.
ആഘോഷമായ തിരുനാൾ കുർബാന: ഒക്ടോബർ 28 ബുധൻ രാവിലെ 10.00-ന് മാർ ജോസഫ് കല്ലറങ്ങാട്ട് തിരുനാൾ കുർബാനയർപ്പിച്ചു സന്ദേശം നൽകും.

ദിവസേനയുള്ള തിരുക്കർമ്മങ്ങൾ:
തിരുനാൾ ദിവസങ്ങളിൽ ദിവസവും രാവിലെ 5.30, 7.00, 10.00, ഉച്ചയ്ക്ക് 12.00, ഉച്ചകഴിഞ്ഞ് 3.00, വൈകുന്നേരം 5.00, 7.00 എന്നീ സമയങ്ങളിൽ വി. കുർബാനയും നൊവേനയും ഉണ്ടായിരിക്കും.

തിരുനാളിൽ സംബന്ധിച്ച് വി. യൂദാശ്ലീഹായുടെ മാധ്യസ്ഥ്യം വഴി ദൈവാനുഗ്രഹം പ്രാപിക്കുവാൻ എല്ലാ വിശ്വാസികളെയും ക്ഷണിക്കുന്നതായി വികാരി ഫാ. തോമസ് പുന്നത്താനത്ത്, സഹവികാരി റവ. ഫാ. ജോർജ് പ്ലാത്തോട്ടത്തിൽ, കൈക്കാരന്മാരായ ജോസഫ് എ. ജെ. ഏഴുപറയിൽ, ജോസ് ആരംപുളിക്കൽ, ക്ലമന്റ്റ് അറയ്ക്കൽ, എം. ജെ. ജോസഫ് മറ്റത്തിൽ, പബ്ലിസിറ്റി കൺവീനർമാരായ പോൾ പി.ജെ. പകലോമറ്റം, സോജൻ കല്ലറയ്ക്കൽ, ജോജി പൊന്നാടംവാക്കൽ എന്നിവർ പത്രസമ്മേളനത്തിൽ അറിയിച്ചു.