കോഴിക്കോട്: കോഴിക്കോട് പന്തീരാങ്കാവ് ടോള് പ്ലാസയില് ജീവനക്കാരന് നേരെയുണ്ടായ ആക്രമണത്തില് കേസെടുത്ത് പൊലീസ്. ആക്രമണത്തിന് ഇരയായ ടോള് ജീവനക്കാരന് ജിതേഷിന്റെ പരാതിയില് വേങ്ങേരി സ്വദേശി ഫഹീമിനെതിരെയാണ് വധശ്രമത്തിന് കേസെടുത്തത്. ഇയാളുടെ കാര് പൊലീസ് കസ്റ്റഡിയില് എടുത്തു. നിലവില് പ്രതി ഫഹീം ഒളിവിലാണ്.
ടോള് നല്കാതെ കടക്കാന് ശ്രമിക്കുന്നത് തടഞ്ഞ ജീവനക്കാരന് നേരെയുള്ള അതിക്രമത്തിന്റെ ദൃശ്യങ്ങള് പുറത്തുവന്നിരുന്നു. ശനിയാഴ്ച ഉച്ചകഴിഞ്ഞായിരുന്നു കേസിനാസ്പദമായ സംഭവം.
ടോള് നല്കി ഒരു കാര് മുന്നോട്ടു പോകുന്നതിന് പിന്നാലെ വെള്ള കാര് ടോള് നല്കാതെ ഓടിച്ചു പോകാന് ശ്രമിക്കുകയായിരുന്നു. ഇതുതടഞ്ഞ ടോള് ജീവനക്കാരനായ ജിതേഷിന് നേരെ പ്രതി ഫഹീം കാര് ഓടിച്ചുകയറ്റുകയായിരുന്നു. മീറ്ററുകളോളം ഇയാളെ ബോണറ്റില് കയറ്റി വാഹനം ഓടിച്ചുപോയി. ഫഹീം തലനാരിഴയ്ക്കാണ് രക്ഷപ്പെട്ടത്.
പിന്നീട് കാര് യാത്രികരും ടോള് പ്ലാസ ജീവനക്കാരും തമ്മില് കയ്യാങ്കളിയിലേക്ക് നീങ്ങിയിരുന്നു. തുടര്ന്ന് ടോള്പ്ലാസ അധികൃതര് പന്തീരാങ്കാവ് പൊലീസിന് ദൃശ്യങ്ങള് അടക്കം പരാതി നല്കുകയായിരുന്നു. സംഭവത്തില് കാര് യാത്രികരും പൊലീസില് പരാതി നല്കിയിട്ടുണ്ട്. കാറിന് കേടുപാടുകള് വരുത്തിയെന്നും കാറിലുണ്ടായിരുന്ന സ്ത്രീകളെ അസഭ്യം പറഞ്ഞു എന്നുമാണ് ഈ പരാതിയില് പറയുന്നത്.
കൂടുതൽ വാർത്തകൾക്കായി ജോയിൻ ചെയ്യുക എസ് ന്യൂസ്
വാട്ട്സ്ആപ്പ് ചാനലിൽ അംഗമാകാൻ ലിങ്കിൽ ക്ലിക്ക് ചെയ്യുക
https://whatsapp.com/channel/0029Vb8JFzQGE56dRXe8ol0e
ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://www.facebook.com/snewsmedia
ഇൻസ്റ്റാഗ്രം പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://www.instagram.com/snewspala/
യൂടുബ് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://www.youtube.com/@snewspala
വെബ്സൈറ്റ് ലിങ്കിൽ ക്ലിക്ക് ചെയ്യുക
വാർത്തകളും പരസ്യങ്ങളും നല്കുന്നതിന് 9496592908
S NEWS 