കടനാട് സഹകരണ ബാങ്ക് തിരഞ്ഞെടുപ്പ്

കടനാട് സഹകരണബാങ്കിൽ ജൂലൈ 11 ന് നടത്തപ്പെടുന്ന തിരഞ്ഞെടുപ്പിൽ യോജിച്ച നിലപാട് സ്വീകരിക്കുവാൻ എല്ലാ രാഷ്ട്രീയ പാർട്ടികളും തയ്യാറാകണമെന്ന് കടനാട് ബാങ്ക് നിക്ഷേപകരുടെ യോഗം അഭ്യർത്ഥിച്ചു.

2023 നവംബർ മുതൽ അഡ്മിനിസ്ട്രേറ്റർ ഭരണത്തിലിരിക്കുന്ന കടനാട് സഹകരണ ബാങ്കിൽ 50 കോടിയിലേറെ നിക്ഷേപവും 45 കോടിയിലേറെ വായ്പയുംകൂടാടാതെ 40 കോടിയിലേറെ പിരിഞ്ഞു കിട്ടേണ്ട പലിശയും അവശേഷിക്കുന്നതായാണ് അറിയുന്നത്.

വായ്പാ കുടിശിഖപിരിവ് ദുർഘടമായി മാറിയതിനാലും പുതിയ നിക്ഷേപങ്ങൾ എത്താത്തതിനാലും നിക്ഷേപകരുടെ മുതലും പലിശയും തിരികെ നൽകാനാവുന്നില്ല. പ്രതിമാസം രണ്ടു തവണകളിലായി 4000 രൂപ നൽകുമെന്ന് അഡ്മിനിസ്റ്റേറ്റർ സമിതി അറിയിച്ചിരുന്നുവെങ്കിലും പല മാസങ്ങളിലും ആ തുക പോലും നിക്ഷേപകർക്ക് നൽകാനാവുന്നില്ല.

ഇത്തരണത്തിൽ രണ്ടു ലക്ഷത്തിലേറെ തുക ചിലവഴിച്ച് നടത്തേണ്ടി വരുന്ന ബാങ്ക് ഭരണസമിതിയിലേക്കുള്ള തിരഞ്ഞെടുപ്പ് ഒഴിവാക്കി, പൊതു സമ്മതരായ 13 പേരെ കണ്ടെത്തി ഭരണച്ചുമതല ഏല്പിച്ചു കൊടുക്കുവാൻ ഇടത്-വലത്-ബിജെപി മുന്നണികൾ തയ്യാറാകണമെന്ന്, കൊല്ലപ്പള്ളി വ്യാപാരഭവനിൽ ചേർന്ന കടനാട് ബാങ്ക് നിക്ഷേപകരുടെ യോഗം ആവശ്യപ്പെട്ടു.

കൂട്ടായ നീക്കത്തിലൂടെയേ ബാങ്കിനെ പൂർവ്വസ്ഥിതിയിലാക്കുവാൻ സാധിക്കുക യുള്ളു. സർക്കാരിൻ്റെയും, സഹകരണ വകുപ്പിൻ്റെയും വലിയ ഇടപെടലും അനിവാര്യമാണ്.പുനരുദ്ധാരണ ഫണ്ടിൽ നിന്നും നിക്ഷേപക ഗ്യാരണ്ടി ഫണ്ടിൽ നിന്നും പണം ലഭ്യമാക്കാനുള്ള സാഹചര്യംഉണ്ടാക്കണം.

ബാങ്കിൻ്റെ സാമ്പത്തിക അധപതനത്തിൽ ഏറ്റവും കൂടുതൽ ദുരിതമനുഭവിക്കുന്നത് നിക്ഷേപകരാണ്. നിക്ഷേപകരുടെ നാലഞ്ചു പ്രതിനിധികളെ ബാങ്ക് ഭരണസമിതിയിൽ ഉൾപ്പെടുത്തുവാൻ അവസരമൊരുക്കണമെന്നും നിക്ഷേപക കൂട്ടായ്മ ആവശ്യപ്പെട്ടു.

മേൽക്കാര്യങ്ങൾ വിവിധ രാഷ്ട്രീയ നേതാക്കളുടെ ശ്രദ്ധയിൽ കൊണ്ടുവരു
വാനും ബാങ്ക് ഓഹരിയുടമകളെ അറിയിക്കുന്നതിനുമായി നടത്തിയ പത്ര/മീഡിയ സമ്മേളനത്തിൽ ഓൾ കേരള കോ-ഓപ്പറേറ്റീവ് ഡെപ്പോസിറ്റേഴ്സ് ഫോറം സംസ്ഥാന വൈസ് പ്രസിഡൻ്റ് റോയി വെള്ളരിങ്ങാട്ട്, കടനാട് ബാങ്ക് സംരക്ഷണ ഫോറം ഭാരവാഹികളായ ജോൺ പുതിയാമഠം, ജോയിചന്ദ്രൻകുന്നേൽ, ജോസഫ് പാണ്ടിയമാക്കൽ എന്നിവർ പങ്കെടുത്തു.

കൂടുതൽ വാർത്തകൾക്കായി ജോയിൻ ചെയ്യുക എസ് ന്യൂസ്

വാട്ട്സ്ആപ്പ് ചാനലിൽ അംഗമാകാൻ ലിങ്കിൽ ക്ലിക്ക് ചെയ്യുക

https://whatsapp.com/channel/0029Vb8JFzQGE56dRXe8ol0e

ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.facebook.com/snewsmedia

ഇൻസ്റ്റാഗ്രം പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://www.instagram.com/snewspala/

യൂടുബ് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://www.youtube.com/@snewspala

വെബ്സൈറ്റ് ലിങ്കിൽ ക്ലിക്ക് ചെയ്യുക

https://snewspala.com

വാർത്തകളും പരസ്യങ്ങളും നല്കുന്നതിന് 9496592908