കണ്ണൂര്: അഴീക്കോട് പുന്നക്കപ്പാറയില് പടക്കം പൊട്ടിത്തെറിച്ച് ഒമ്പതു വയസുകാരന് മരിച്ചു. ഉബൈദിന്റെ മകന് അമാന് ആണ് മരിച്ചത്. മൂന്ന് കുട്ടികള്ക്ക് പരിക്കേറ്റു. യുഡിഎഫ് ആഹ്ലാദപ്രകടനത്തിനിടെ പുന്നക്കപ്പാറയിലെ ഗ്രൗണ്ടില് കുട്ടികള് പടക്കം പൊട്ടിക്കുന്നതിനിടെയാണ് അപകടം. മൂന്ന് കുട്ടികള്ക്ക് നിസാരമായി പരിക്കേറ്റു. തിങ്കളാഴ്ച ഉച്ചയോടെയാണ് സംഭവം.
പരിസരപ്രദേശങ്ങളില് ആഘോഷം നടന്നയിടങ്ങളില് നിന്നെല്ലാം പൊട്ടാതെ കിടന്നിരുന്ന പടക്കങ്ങള് പെറുക്കിക്കൊണ്ടുവന്ന് ഗ്രൗണ്ടില്വെച്ച് പൊട്ടിച്ച് കളിക്കുകയായിരുന്നെന്നാണ് ദൃക്സാക്ഷികള് പറയുന്നത്. സംഭവത്തില് അന്വേഷണം നടക്കുകയാണെന്ന് വളപട്ടണം എസ്എച്ച്ഓ അഭിഷേക് സറ പറഞ്ഞു.
കളിക്കുന്നതിനിടെ പടക്കം പൊട്ടിത്തെറിക്കുകയും അമാന്റെ കഴുത്തിന്റെ ഇടതുവശത്ത് ചെവിയോട് ചേര്ന്ന ഭാഗത്ത് ഗുരുതരമായി പരിക്കേല്ക്കുകയുമായിരുന്നു. ഗ്രൗണ്ടില് വീണുകിടന്ന കുട്ടിയെ പരിസരവാസി ഓട്ടോയില് ആശുപത്രിയില് എത്തിച്ചെങ്കിലും രക്ഷിക്കാനായില്ല. സ്ഥലത്ത് ഫോറന്സിക് യൂണിറ്റ് പരിശോധന നടത്തിവരികയാണ്.
കൂടുതൽ വാർത്തകൾക്കായി ജോയിൻ ചെയ്യുക എസ് ന്യൂസ്
വാട്ട്സ്ആപ്പ് ചാനലിൽ അംഗമാകാൻ ലിങ്കിൽ ക്ലിക്ക് ചെയ്യുക
https://whatsapp.com/channel/0029Vb8JFzQGE56dRXe8ol0e
ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://www.facebook.com/snewsmedia
ഇൻസ്റ്റാഗ്രം പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://www.instagram.com/snewspala/
യൂടുബ് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://www.youtube.com/@snewspala
വെബ്സൈറ്റ് ലിങ്കിൽ ക്ലിക്ക് ചെയ്യുക
വാർത്തകളും പരസ്യങ്ങളും നല്കുന്നതിന് 9496592908
S NEWS 