കോൺഗ്രസ് വിട്ട് പുതിയ പാർട്ടി രൂപീകരിക്കും? കെ. സുധാകരന്റെ നിർണ്ണായക രാഷ്ട്രീയ നീക്കം ഇന്ന് പ്രഖ്യാപിച്ചേക്കും

കണ്ണൂർ: മുതിർന്ന കോൺഗ്രസ് നേതാവും മുൻ കെപിസിസി പ്രസിഡന്റുമായ കെ സുധാകരൻ പുതിയ പാർട്ടി രൂപീകരിച്ചേക്കുമെന്ന അഭ്യൂഹങ്ങൾ ശക്തമാകുന്നു. ഇക്കാര്യത്തിൽ ഇന്ന് തന്നെ നിർണായക തീരുമാനം ഉണ്ടാകാമെന്നാണ് സൂചനകൾ.

ഇന്നലെ സുധാകരനുമായി അടുത്ത ബന്ധമുള്ള നേതാക്കൾ അദ്ദേഹത്തിന്റെ വസതിയിൽ കൂടിയാലോചന നടത്തിയിരുന്നു. കോൺഗ്രസിൽ നിന്ന് പുറത്തുപോയവരും പുറത്താക്കിയവരുമായ ചിലരും യോഗത്തിൽ പങ്കെടുത്തതായാണ് വിവരം. ഈ യോഗത്തിലാണ് പുതിയ പാർട്ടി രൂപീകരിക്കണമെന്ന ആവശ്യം ഉയർന്നതെന്ന് റിപ്പോർട്ടുകൾ പറയുന്നു.

എന്നാൽ, പാർട്ടി രൂപീകരണവുമായി ബന്ധപ്പെട്ട് കെ സുധാകരൻ അല്ലെങ്കിൽ അദ്ദേഹത്തിന്റെ അടുത്തവൃത്തങ്ങൾ ഔദ്യോഗിക സ്ഥിരീകരണം നൽകിയിട്ടില്ല.

നിയമസഭ തിരഞ്ഞെടുപ്പിൽ കണ്ണൂരിൽ നിന്ന് മത്സരിക്കണമെന്ന ആവശ്യം അദ്ദേഹം നേരത്തെ ഉയർത്തിയിരുന്നുവെങ്കിലും സീറ്റ് ലഭിക്കാത്തതിനെ തുടർന്ന് അസന്തോഷം നിലനിന്നിരുന്നു. എംപിമാർ നിയമസഭയിലേക്ക് മത്സരിക്കരുതെന്ന ഹൈക്കമാൻഡ് നിലപാട് മാറ്റാത്തതും ഇതിന് കാരണമായി.

ഇതിനിടെ, ബിജെപിയിലേക്ക് ചേക്കേറുമെന്ന അഭ്യൂഹങ്ങളും പുറത്തുവന്നിരുന്നുവെങ്കിലും ഇതിലും സ്ഥിരീകരണമില്ല.

സീറ്റ് വിഭജനവുമായി ബന്ധപ്പെട്ട വിവാദങ്ങളും പാർട്ടിയിലുള്ള ആഭ്യന്തര പ്രശ്നങ്ങളും പശ്ചാത്തലമായാണ് പുതിയ രാഷ്ട്രീയ നീക്കങ്ങളെക്കുറിച്ചുള്ള ചർച്ചകൾ ശക്തമായിരിക്കുന്നത്.

കൂടുതൽ വാർത്തകൾക്കായി ജോയിൻ ചെയ്യുക എസ് ന്യൂസ്

വാട്ട്സ്ആപ്പ് ഗ്രൂപ്പ് അംഗമാകാൻ ലിങ്കിൽ ക്ലിക്ക് ചെയ്യുക

https://chat.whatsapp.com/L4BdzoDQEmTAvzlaWJwCkH?mode=hqctcli

ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.facebook.com/snewsmedia

ഇൻസ്റ്റാഗ്രം പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://www.instagram.com/snewspala/

യൂടുബ് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://www.youtube.com/@snewspala
വെബ്സൈറ്റ് ലിങ്കിൽ ക്ലിക്ക് ചെയ്യുക

https://snewspala.com/

വാർത്തകളും പരസ്യങ്ങളും നല്കുന്നതിന് 9496592908