ഡാറ്റ വേണ്ട, കോളിംഗ് മാത്രം മതി! കുറഞ്ഞ നിരക്കിലുള്ള മൊബൈൽ പ്ലാനുകൾ വരുന്നു… ട്രായിയുടെ നിർണ്ണായക ഇടപെടൽ

ന്യൂഡൽഹി: ഡാറ്റ സൗകര്യം ഇല്ലാതെ കോളിംഗും എസ്എംഎസും മാത്രം ഉൾപ്പെടുന്ന കുറഞ്ഞ നിരക്കിലുള്ള മൊബൈൽ പ്ലാനുകൾ അവതരിപ്പിക്കാൻ ടെലികോം കമ്പനികൾക്ക് നിർദ്ദേശം നൽകാനൊരുങ്ങി ടെലികോം റെഗുലേറ്ററി അതോറിറ്റി ഓഫ് ഇന്ത്യ (ട്രായ്).

‘ടെലികോം കൺസ്യൂമർ പ്രൊട്ടക്ഷൻ (13-ാം ഭേദഗതി) റെഗുലേഷൻ, 2026’ എന്ന കരട് നിർദ്ദേശത്തിലാണ് ഈ മാറ്റം ഉൾപ്പെടുത്തിയിരിക്കുന്നത്. ഓരോ ടെലികോം സേവനദാതാവും കോളിംഗിനും എസ്എംഎസിനും മാത്രമായി കുറഞ്ഞത് ഒരു സ്പെഷ്യൽ താരിഫ് വൗച്ചറെങ്കിലും നൽകണമെന്നാണ് ട്രായ് നിർദ്ദേശിക്കുന്നത്.

നിലവിലുള്ള പല പ്ലാനുകളിലും ഡാറ്റ നിർബന്ധിതമായി ഉൾപ്പെടുത്തുന്നതും, ഡാറ്റ ഒഴിവാക്കിയാലും വിലയിൽ കുറവ് നൽകാത്തതും ഉപഭോക്താക്കൾക്ക് തിരിച്ചടിയാകുന്നുവെന്നാണ് ട്രായിയുടെ നിരീക്ഷണം. പ്രത്യേകിച്ച് ഡാറ്റ ഉപയോഗിക്കാത്ത ഉപഭോക്താക്കൾക്ക് അനാവശ്യ ചെലവ് വരുന്നതായി കണ്ടെത്തിയിട്ടുണ്ട്.

ഇതിനാൽ, ഡാറ്റയുള്ള പ്ലാനുകൾക്ക് സമാനമായി ഡാറ്റ ഇല്ലാത്ത വോയ്സ്-എസ്എംഎസ് പ്ലാനുകളും അവതരിപ്പിക്കണമെന്ന് ട്രായ് നിർദേശിക്കുന്നു. ഇത് ഉപഭോക്താക്കൾക്ക് കൂടുതൽ തിരഞ്ഞെടുപ്പ് സ്വാതന്ത്ര്യവും സുതാര്യതയും നൽകുമെന്ന് റെഗുലേറ്റർ വ്യക്തമാക്കുന്നു.

ഈ കരട് നിർദ്ദേശത്തെ കുറിച്ച് പൊതുജനങ്ങളുടെ അഭിപ്രായം ട്രായ് തേടിയിട്ടുണ്ട്. ഏപ്രിൽ 28 വരെ അഭിപ്രായങ്ങൾ സമർപ്പിക്കാം.

കൂടുതൽ വാർത്തകൾക്കായി ജോയിൻ ചെയ്യുക എസ് ന്യൂസ്

വാട്ട്സ്ആപ്പ് ഗ്രൂപ്പ് അംഗമാകാൻ ലിങ്കിൽ ക്ലിക്ക് ചെയ്യുക

https://chat.whatsapp.com/L4BdzoDQEmTAvzlaWJwCkH?mode=hqctcli

ഫേസ്ബുക് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക

https://www.facebook.com/snewsmedia

ഇൻസ്റ്റാഗ്രം പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://www.instagram.com/snewspala/

യൂടുബ് പേജ് ഫോളോ ചെയ്യുവാൻ താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്യുക
https://www.youtube.com/@snewspala
വെബ്സൈറ്റ് ലിങ്കിൽ ക്ലിക്ക് ചെയ്യുക

https://snewspala.com/

വാർത്തകളും പരസ്യങ്ങളും നല്കുന്നതിന് 9496592908